古代皇帝，若能與民休息，該稱得上係好皇帝

今時今日，又有邊個領導者夠膽搬「無為而治」作為座右銘？

係時代改變，所以每一刻都應該大興土木？定只係因為大家都唔再識欣賞無為而治背後嘅真理？

年年如是，唔係唔上進、唔係懶、唔係只抱住「多一事不如少一事」嘅心態做人

要去改變，先要認清當下問題所在；偏偏問題徵結係要慢慢沉殿後先會浮現

每時每刻都大動作，根本唔可能睇清邊度出事

想做好件事，就係要唔好郁佢，等真係清楚點樣改好佢先出手，再慢慢睇個效果

但晌速食文化嘅社會下，大家都認為自己嘅時間寶貴得不能等

每次轉工、升職、或是有新的責任放上來時，就會不斷想起我是否已到盡頭呢？
我係咪已經升到一個我再承擔唔起嘅位置呢？

唔係讀電腦去電腦公司做，返工前充滿期待，然後係戰戰驚驚咁發覺原來真係有好多嘢唔識，實在差太遠喇
但既然應承得去做呢份工，就要做落去㗎啦
睇書、睇人地點做、死充識嘢再之後去揾返答案

未知乜頭乜路就應承第二份工
又係無讀過嘅科
無乜hand-over無乜人幫無乜知識
見步行步，原來路真係人行出來嘅
一個人做唔晒啲嘢但係俾個人俾我又唔識用

睇書學project management 睇書學public speaking做presentation 睇書學design學呢樣果樣 到頭來無一本睇得晒，其實每樣睇少少之後就係靠自己去試去撞板去睇去聽自自然然就會搞得掂

不過我唔係做得特別好，雖然其他人或者覺得我做得唔差

之但係我條路就似越行越順，我似乎捉到路，其實唔使完全識晒啲嘢都可以日日過關斬將，工作一件件咁完成
直至我行到去一個我再做唔嚟嘅位置？
世界上或許好多重要嘅崗位都係由一啲半桶水嘅人去做，日日糊混過骨

但係世界仍然運行到

第三份工，依然係返前興奮，然後發覺自己能力差太遠喇
今日嘅我同以前有啲唔同，我知到無論能力差幾多，其實同我交唔交到差無咁大關係
雖然我重係想可以做得更好
確係，我仍覺得世界上每個人都應該響自己工作範圍內有一百分嘅

但或者世界本來就係由一班僅僅及格嘅人去支撐？

我更想知自己幾時到頂，再抗衡唔到Peter's Principle